किम जोङकी सुन्दर श्रीमतीका १० रोचक किस्सा, १० लाेभ्याउने तस्विर

पाेखरा १४ साउन- उत्तर कोरियाली सर्वोच्च नेता किम जोङ उन विश्वका चर्चितमध्येका एक नेता हुन् । उनलाई सनकका भरमा काम गर्ने नेताका रुपमा पनि धेरैले चिन्छन् । हुन पनि उनले कतिबेला के गर्ने हुन भन्ने पूर्वानुमान कसैले गर्न सक्दैनन् ।

सायद त्यही कारणले उनी विश्वभर चर्चित छन् । यति मात्र होइन, उनकी श्रीमती री सोल जू पनि कहिले कहीँ चर्चामा आउने गरेकी छिन् । केही वर्षअघिसम्म उनीबारे थाहा नभएका कुराहरु पनि समयक्रमसँगै बाहिर आउँदै गएका छन् ।

री सोल जूबारे यस्ता केही किस्सा छन्, जुन सबैलाई थाहा नहुन सक्छ

१. उनको परिवार सम्भ्रान्त तथा शिक्षित वर्गका हुन

उनको पारिवारिक पृष्ठभूमि अत्यन्त सम्भ्रान्त र शिक्षित रहेको बताइन्छ । उनका बाबु प्रोफेसर हुन् भने उनकी आमा डाक्टर हुन् । उनका बाबुले कुनै समय कोरियाली जनसेनाको वायुसेनामा पनि काम गरेको बताइन्छ । तर, उनका दाजुभाइ दिदिबहिनीबारे भने केही सार्वजनिक गरिएको छैन ।

२. उनी निकै महङ्गा सामान मन पराउँछिन्

री सोल जु निकै विलासी तथा महङ्गा सामान मन पराउँछिन् । उनले प्रयोग गर्ने हेण्डब्याग, कपडा तथा अन्य सामानहरु एकदमै महङ्गा छन् । अधिकांश उत्तर कोरियालीहरु खान नपाएर भोकभोकै रहेका बेला उनले भने एक पटक १,५९४ अमेरिकी डलर बराबरको डियोरको हेण्डब्याग बोकेकी थिइन् । निकै नै तानाशाही शासन रहेको उत्तर कोरियामा किमकी श्रीमती भने विलासितामा रमाइरहेकी हुन्छिन् ।

३. उनले चीनमा सङ्गीतको शिक्षा लिएका थिइन्

उनले चीनमा सङ्गीतको शिक्षा लिएकी थिइन् । यद्यपि उनले कहिले कहाँ र कुन विद्यालयमा उनले सङ्गीतको अध्ययन गरेकी हुन् भन्ने चाहीँ स्पष्ट छैन् । यद्यपि उनले चीनमा अध्ययन गरिसकेपछि मात्रै उत्तर कोरियाली अर्केष्ट्रामा सहभागी भएको हुनसक्ने विश्वास गरिन्छ ।

४. उनका तीन छोरा छोरी छन्

उनले तीन छोराछोरीलाई जन्म दिएको बताइन्छ । सन् २०१३ मा अमेरिकी बास्केटबल खेलाडी तथा किम जोङ उनका साथी डेनिस रोडम्यानले दिएको अन्तरवार्तामा किमका दुई सन्तान रहेको बताएका थिए । त्यसयता सन् २०१७ मा उनी सार्वजनिक कार्यक्रममा देखिन छाडेकी थिइन् । त्यसबेला उनी गर्भवती रहेको र अर्को सन्तानलाई जन्म दिएको भन्ने विश्वास गरिन्छ ।

५. उनले कहिले किमसँग विवाह गरेका हुन् भन्ने स्पष्ट छैन

किम जोङ उन र उनीबीच कहिले विवाह भएको हो भन्ने स्पष्ट छैन । कुनै समाचारमा उनी र किम जोङ उनबीच सन् २००९ मा भेट भएको बताइन्छ भने कुनै समाचारमा उनी र किमबीच सन् २०१० मा भेट भएको हुनसक्ने बताइन्छ । तर, उनीहरुबीच विवाह कहिले र कहाँ भएको हो भन्ने चाहीँ हालसम्म सार्वजनिक भएको छैन ।

६. उनी उत्तर कोरियाकी सबैभन्दा प्रभावशाली तथा शक्तिशाली महिला भने होइनन्

७. उनी ३० वर्ष पनि पुगेकी छैनन्

उत्तर कोरियाको आधिकारिक रेकर्ड अनुसार उनको जन्म उत्तर कोरियाको तेश्रो ठूलो शहर चोङजिनमा सन् १९८९ को सेप्टेम्बर महिनामा भएको थियो । यसअनुसार उनी अझै ३० वर्ष पनि पुगेकी छैनन् । तर, उनका पति किम जोङ उन भने ३५ वर्षका छन् । यसअनुसार दुई जनाको उमेरको अन्तर ५ वर्षको छ ।

सन् २०११ मा किम जोङ इलको अन्त्येष्टी सभामा पहिलोपटक देखिएकी थिइन्

उनी पहिलोपटक सन् २०११ मा तत्कालिन उत्तर कोरियाली शासक किम इल सुङ्को अन्त्येष्टी सभामा पहिलोपटक देखा परेकी थिइन् । त्यसबेला उनी को हुन् भन्नेबारे अन्तर्राष्ट्रिय सञ्चारमाध्यमले व्यापक चासो देखाएका थिए ।

९. सन् २०१२ मा मात्र उनको पहिचान सार्वजनिक गरिएको थियो

सन् २०१२ मा मात्रै उत्तर कोरियाको सञ्चारमाध्यम केसीएनएले री सोल जूको पहिचान सार्वजनिक गरेको थियो । त्यसबेला उनी किम जोङ उनको श्रीमती भएको खुलासा गरेको थियो । त्यसअघि उनी को हुन् भन्ने स्पष्ट थिएन ।

१०.उनी उत्तर कोरियाली सङ्गीत समूहकी सदस्य समेत रहिसकेकी छिन्

किम जोङ उनसँग विवाह गर्नुअघि री सोल जू उत्तर कोरियाली साङ्गीतिक समूह उनहाङ्सु अर्केष्ट्राकी सदस्य समेत रहिसकेकी छिन् । यो समूहले सन् २००५ मा एशियन एथ्लेटिक्स च्याम्पियनसिपमा दक्षिण कोरिया पुगेर प्रस्तुती दिएको हुनसक्ने र त्यो बेला पनि री यही समूहमा रहेको हुनसक्ने समाचार सार्वजनिक भएका छन् । त्यसबाहेक सन् २०१० मा किम जोङ उनका लागि यही समूहले साङ्गीतिक प्रस्तुती दिँदा उनी पनि उक्त समूहमा रहेको हुनसक्ने बताइन्छ ।

उत्तर कोरियाली सर्वोच्च नेता किम जोङ उनकी श्रीमती भएपनि उनी उत्तर कोरियाकी सबैभन्दा प्रभावशाली तथा शक्तिशाली महिला भने होइनन् । किम जोङ उनकी बहिनी किम यो जोङ उत्तर कोरियाकी सबैभन्दा शक्तिशाली महिला हुन् । अघिल्लो वर्ष उत्तर कोरियाले आफ्नो कुटनीतिक सम्बन्धको विस्तार गर्ने दिशामा कदम चालेपछि किम यो जोङ चर्चामा आएकी थिइन् । त्यसबाहेक किम यो जोङ उत्तर कोरियाली वर्कर्स पार्टीकी प्रभावशाली नेता समेत हुन् । तर, पार्टी र मुलुकको राजनीतिमा री सोल जूको प्रभाव कति छ भन्ने स्पष्ट छैन ।

प्रकाशित मिति July 30, 2019

हाम्रो समाचारमा कुनै गुनासो, सल्लाह वा प्रतिकृया भए [email protected] मा इमेल पठाउन सक्नुहुनेछ ।