१५ वर्षे कान्छो प्रेमीसँग सुस्मिताको हट योगा [फोटो/भिडियो]

बलिउड अभिनेत्री सुस्मिता सेन एक दशक बढी समयदेखि गुमनाम जस्तै छिन्। सन् १९९४ मा मिस इन्डिया प्रतियोगितामा ऐश्वर्या रायलाई हराएर ताज पहिरिएकी यिनले अन्तर्राष्ट्रिय मिस युनिभर्सको पनि ताज पहिरिएपछि थप चर्चामा थिइन्।

सुस्मिता सेन पछिल्लो डेढ वर्षदेखि मोडल प्रेमी रोहमन सालसँग डेटमा छिन्। रोहमनसँगको भेटबारे सुस्मिताले भनेकी छन्, ‘उनीसँग मेरो चिनजान इन्स्टाग्राम सामाजिक सञ्जालमार्फत भएको थियो। उनले मलाई प्रत्यक्ष सन्देश पठाएका थिए। मैले रिप्लाई दिएपछि कुराकानी सुरु भयो।’

सुस्मिताका अनुसार सुरुआतमा रोहमनले उनीसँग तपाईंकै उमेरबराबर भनेर ढाँटे। तर उनले पत्याइनन्। भन्छिन्, ‘तिमी धेरै जवान देखिन्छौ भनेपछि उनलाई कुराकानी गर्न असहज लाग्थ्यो। तर हाम्रो नाता ईश्वरले चुनेका थिए।’

रोहमन र सुस्मिताबीच १५ वर्षको फरक छ। सुस्मिता ४४ वर्षकी भइन् भने रोहमन मात्र २९ वर्षका छन्। लकडाउन अवधिमा यी दुवै सँगसँगै छन्। त्यसैगरी सन् २०१० मा दुल्हा मिल गया फिल्मपछि हराएकी सुस्मिता पुनः बलिउडमा कमब्याक गर्दै छिन्। उनी राम माधवानीको निर्देशनमा बन्ने आर्या फिल्ममा देखिन थालेकी हुन्। केहि पहिला उनले प्रेमीसँग गरेको हट योगाले पनि निकै चर्चा पाएको थियो ।

भिडियो हेर्न् क्लिक गर्नुहोस्
एजेन्सी

प्रकाशित मिति March 9, 2021

हाम्रो समाचारमा कुनै गुनासो, सल्लाह वा प्रतिकृया भए [email protected] मा इमेल पठाउन सक्नुहुनेछ ।