के उमेर छिप्पी सक्दापनि बिहे हुन सकेन ? यसो गर्नुहोस् चाँडै हुनेछ बिवाह

हिन्दुशास्त्रअनुसार यदि केटीको कुण्डलीमा गुरु कमजोर रहेको अवस्था छ भने उसको बिहे हुनुमा ढिलाइ

हामीले समाजमा कुनै परिवारकी छोरीको उमेर छिप्पिएपछि पनि विवाह हुन नसकेको देखिरहेका हुन्छौँ । विवाहको लागि दुई परिवार बिच कुराकानी हुँदै गर्दा कतिपय अवस्थामा सम्बन्ध जोडिन सकिरहेको हुँदैन । यसका साथै कहिले केटालाई केटी मन पर्दैन त कहिले केटीलाई केटा मन पर्दैन । यस्ता विविध कारणले त्यस्ता युवतीको विवाह हुनमा ढिलाइ भइरहेको हुन्छ । जसका कारण छोरीमात्र होइन उनका बुबा-आमा तनावमा परिरहेका हुन्छन् । तर, छोरीको बिहे हुनुमा के कारण ढिलाइ भइरहेको हुन्छ त ? हिन्दुशास्त्रअनुसार यदि केटीको कुण्डलीमा गुरु कमजोर रहेको अवस्था छ भने उसको बिहे हुनुमा ढिलाइ हुन्छ । सही समय बिहे हुन तथा कुनै रोकावट नहोस् भन्नाका लागि केही उपाय लगाउन आवश्यक हुन्छ ।

विवाहमा ढिलाइ भइरहेका युवतीले अधिकांश समय पहेलो रङ्गको कपडा लगाउनु राम्रो हुन्छ । यसले गुरुसँग सम्बन्धित शुभ फल मिल्न सक्छ ।

१. हरेक बिहीबार गाईलाइ हरियो घाँस खुवाउनुहोस् । यसले केटीको विवाहको योग बन्न सक्छ ।
२. विवाहमा ढिलाइ भइरहेका युवतीले अधिकांश समय पहेलो रङ्गको कपडा लगाउनु राम्रो हुन्छ । यसले गुरुसँग सम्बन्धित शुभ फल मिल्न सक्छ ।
३. बिहीबारको व्रत बस्ने र बृहस्पति मन्दिर गएर पूजा गर्नुहोस् ।
४. युवतीको हातले केराको दुई बिरुवा रोप्ने र दैनिक उक्त बिरुवामा पानी लगाउने । यस्तै हरेक बिहीबार केराको उक्त बोटको पूजा गरेमा शुभ फल मिल्नेछ ।

५. हरेक बुधबार वा चतुर्थी तिथीमा भगवान श्री गणेशलाई मालपुवा चढाएर पूजा गर्नुहोस् ।
६. भगवान शिव तथा माता पार्वतीको पूजा एकसाथ गर्नुहोस् । यसले पनि विवाहको योग बन्नेछ ।
७. युवतीको विवाहका सम्बन्धमा पटक–पटक बाधा आइरहेको छ भने सोमबार चनाको दाल र सवा लिटर दूध दान गर्नुहोस् ।

प्रकाशित मिति June 24, 2019

हाम्रो समाचारमा कुनै गुनासो, सल्लाह वा प्रतिकृया भए [email protected] मा इमेल पठाउन सक्नुहुनेछ ।