प्रियंका–निकले विवाह स्थलमा यति खर्च गरेपछि होटलले भन्यो, ‘तीन महिनाको आम्दानी चार दिनमा’

पाेखरा ३ पुस- बलिउड चर्चित अभिनेत्री प्रिंयका र निकले बिवाहबारे नबताएपनि उनकाे बिवाह खर्च हाेटेलले बताएकाे छ । इन्डियन होटल्स कम्पनी लिमिटेडका मुख्य कार्यकारी अधिकारी एवं प्रबन्ध निर्देशक पुनित चटवालले प्रियंका चोपडा र निक जोनसको विवाहको विषयमा अचम्मित गरिदिने खुलासा गरेका छन् । पुनितले उमेद भवनमा भएको यो सेलिब्रिटी जोडीको विवाहमा आफूहरुले तीन महिनाको आम्दानी गरेको बताएका छन् । स्मरण रहोस्, विवाहको क्रममा पूरा प्यालेस चार दिनका लागि बुक गरिएको थियो ।

यी चार दिनमा कुनै पनि बाहिरी व्यक्तिको प्रवेशमा रोक लगाइएको थियो । उक्त कार्यक्रममा पुनितले कार्यक्रम स्थलका लागि मात्रै प्रियंका–निकले तीन करोड बढी खर्च गरेको बताए । उनले भने, ‘यसरी हेर्ने हो भने हामीले यति आम्दानी गर्यौं कि हामी तीन महिनासम्म आरामले काम गर्न सक्छौं ।’ स्मरण रहोस्, यो जोडीले गत वर्ष डिसेम्बर २ मा विवाह गरेका थिए । यी दुई सेलिब्रिटीको विवाहले अन्तर्राष्ट्रिय स्तरमा पनि निकै चर्चा बटुलेको थियो ।

संगीत कार्यक्रममाथि बनाउनेछन् वेब सिरिजः प्रियंका चोपडा र निक जोनस संगीतत कार्यक्रमबाट प्रेरित भएर सिरिज बनाउने तयारीमा छन् । उनीहरुको यो प्रोजेक्टलाई अमेजन प्राइम भिडियोले हरियो झण्डा देखाएको छ । नायिकाले यो कुराको घोषणा इन्स्टाग्राममार्फत् गरेकी थिइन् ।

उनले एक अंग्रेजी वेबसाइटको स्क्रिन सट सेयर गर्दै लेखेकी छिन्, ‘हाम्रो विवाहको संगीतमा दुई परिवारले संयुक्त प्रस्तुती दिएको थियो । एउटा यस्तो प्रस्तुती जसले हाम्रो प्रेम कहानी दर्साउँछ । हामीले जीवनभरी नबिर्सिने एक विशेष पल ।’

प्रकाशित मिति December 19, 2019

हाम्रो समाचारमा कुनै गुनासो, सल्लाह वा प्रतिकृया भए [email protected] मा इमेल पठाउन सक्नुहुनेछ ।