अमेरिकाले १४५ भारतीयलाई हात खुट्टा बाँ’धेर फर्काइदियो

पाेखरा ६ मंसिर- वैधानिक कागजपत्र विना प्रवेश गर्नेमाथि अमेरिकाले कडा नीति लिन थालेको छ । उसले मंगलबार एक सय ४५ भारतीय र २५ बँगलादेशी नागरिकलाई उनीहरुको देशमा फर्काइदिए त्यो पनि हात खुट्टा बाँ’धेर । उनीहरु बुधबार विहान नयाँ दिल्लीमा उत्रिएका छन् ।

सुन्दर सपना देख्दै लाखौं खर्च गरेर अवैध वाटोवाट अमेरिका पुगेका त्यती ठूलो संख्याका भारतीय र वंगाली नागरिकको एकातिर ठूलो रकम डुवेको छ भने अर्का तिर सबैको सपना चकनाचुर भएको छ । अमेरिकाले त्यस्ता ब्यक्तिहरुलाई खोजी खोजी फर्काउने गरेको छ । अमेरिकाको विभिन्न राज्यमा फेला परेका अवैध रुपमा वसोवास गरेका भारतीय र वंगाली नागरिकलाई एकै स्थानमा भेला पारेर स्वदेश फर्काएको हो । अमेरिकाको एरिजोनाबाट उडेको चार्टड विमानमा उनीहरुलाई हात खुट्टा बाँ’धेर फर्काइएको थियो ।

एरिजोनाबाट एकैपटक ढाका उत्रिएको विमान २५ बँगलादेशीलाई ओरालेपछि नयाँ दिल्ली उत्रिएको थियो । भारतीय नागरिकमध्ये १४२ पुरुष र तीनजना महिना थिए । उनीहरुलाई अमेरिकाको विभिन्न प्रान्तबाट निय न्त्रणमा लिई सामूहिक रुपमा आफ्नै देश फर्काइएको थियो । २४ घन्टा लामो विमानको यात्रापछि उनीहरु भारत पुगेका थिए । कुनै वैधानिक कागजपत्र नभएका युवाहरुलाई अमेरिका सरकारले एकतर्फी फर्कन आकस्मिक प्रमाणपत्र बनाइदिएको थियो ।

अमेरिकामा गैरकानुनी रुपमा प्रवेश गर्न फर्काइएकाहरुले प्रतिव्यक्ति २५ लाख भारु सम्म तिरेका थिए । उनीहरुले दलालमार्फत् विभिन्न देशको बाटो हुँदै अमेरिका प्रवेश गरेका थिए । अधिकांश१९ देखि ३१ वर्ष उमेर समूहकाहरु दक्षिण अमेरिकाका विभिन्न देश हुँदै अमेरिका पुगेका थिए । केही व्यक्ति यूरोपको बाटो हुँदै पुगेका थिए ।

अमेरिकाले भारतीय नागरिकलाई गत महिना यसैगरी चाटर्ड विमानमार्फत् फर्काइदिएको थियो । वर्तमान राष्ट्रपति डोनाल्ड ट्रम्प गैरकानुनी रुपमा अमेरिका प्रवेश गर्नेप्रति कठोर छन् । उनले अमेरिका वैधानिक कागजपत्रविना प्रवेश गर्नेमाथि कडा कारबाही गर्दै आएका छन् ।

याे पनि पढ्नुहाेस्ः
नेपाल-भारत सिमानामा युवाहरुले लगाए काँडेतार, आजदेखि सीमा नाका बन्द

हेम थापा माया थापा फांउन्डेशन लगायत नेपाली देश भक्ति युवाहरुले नेपाल र भारतको सिमानामा* काडेतार लगाएको छ । मिसन नेपालका अध्यक्ष कृष्ण प्रसाद शर्मा , महासचिव जेरी ताम्राकार , युवा संयोजक युवराज तिमील्सिना लगायत सहभागि भएर महोत्तरी को सिम्सा नाकामा जाली तार लगाएका हुन् ।

त्यसैगरी १०० ग्रुपका प्रमुख बिमल पन्त, बव्लु गुप्ता नेपाली, समाजसेवी दुर्गा दाहाल, इशारा लामा लगायतको बाक्लो उपस्थिति रहेको थियो । महोत्तरी को सिम्सा नाकामा गएर युवाहरुले आज नेपाली झण्डा गाड्ने देखी काडेतार हाल्ने सम्मका प्रयासहरु सफलताकासाथ सम्पन्न गरेको छ ।

नेपाली भूमी लिपुलेक र कालापानी भारतले आफ्नो नक्सामा समावेश गरेसंगै बिबाद चर्किएको छ । नेपाली भुमि कुनैपनि हालतमा भारतले मास्न पाउदैन् भन्दै यसको विरोध स्वरुप आज युवाहरुले *नेपाल(भारत सिमामै गएर दबाब सृजना गर्न सफल भएका छन् ।

आजदेखि सीमा नाका बन्द- भारतसँग सीमा जोडिएको बैतडीको झुलाघाट नाका आजदेखि चार दिनका लागि बन्द हुने भएको छ । जिल्ला प्रशासन कार्यालय बैतडीका अनुसार आजदेखि मङ्सिर ९ गतेसम्म झुलाघाट नाका बन्द हुने भएको हो ।

यही मङ्सिर ८ गते (नोभेम्बर २५ तारिख)मा भारतमा विधानसभाको उपनिर्वाचन हुन लागेकाले सुरक्षा संवेदनशीलता कारण जनाउँदै आज साँझ ५ बजेदेखि मङ्सिर ९ गते साँझ ५ बजेसम्म सीमानाका बन्द हुने जनाइएको छ । सीमा बन्द रहेको अवधिमा आकस्मिक रुपमा खोल्नुपरेमा आपसी सहमतिमा खोल्न सकिने सहायक प्रजिअ लोकेन्द्र सिंह नेगीले जानकारी दिनुभयो ।

यसअघि गत असोज १८ गते भारतको पिथौरागढमा जिल्ला पञ्चायत तथा ग्राम पञ्चायत सदस्य निर्वाचन हुँदा पनि असोज १६ देखि असोज १८ गते तीन दिनसम्म झुलाघाट नाका बन्द गरिएको थियो ।

नेपाल–भारत र नेपाल–चीन सीमा निरीक्षण समिति गठन गरिने- सरकारले नेपाल–भारत र नेपाल–चीन सीमा निरीक्षण समिति गठन गर्ने भएको छ । मन्त्रिपरिषद्को गत कात्तिक २९ र यही मङ्सिर ३ गते भएको बैठकको निर्णय सार्वजनिक गर्न सञ्चार तथा सूचना प्रविधि मन्त्रालयमा आज आयोजित पत्रकार सम्मेलनमा सरकारका प्रवक्ता गोकुलप्रसाद बाँस्कोटाले नेपालका दुवै छिमेकी मुलुक भारत र चीनसँगको सीमा निरीक्षणका लागि छुट्टाछुट्टै समिति गठन गरिएको जानकारी दिनुभयो ।

बैठकले नेपाल सरकार र रुसी महासङ्घबीच आपत्कालीन पूर्वतयारी तथा प्रतिकार्यका क्षेत्रमा सहकार्यसम्बन्धी समझदारीपत्रमा हस्ताक्षर गर्न परराष्ट्र मन्त्रालयलाई स्वीकृति पनि दिएको छ । मन्त्रिपरिषद् बैठकले जबर्जस्ती करणी मुद्दाका चार पीडितलाई राज्यले अभिभावकत्व ग्रहण गर्दै संविधानप्रदत्त सामाजिक पुनःस्थापना र क्षतिपूर्तिको हकलाई प्रयोग र प्रचलन गर्नका लागि तिनलाई जनही रु पाँच लाख उपलब्ध गराउने निर्णय गरेको जानकारी सञ्चार तथा सूचना प्रविधिमन्त्री बाँस्कोटाले दिनुभयो ।

पोखरा क्षेत्रीय अन्तरराष्ट्रिय विमानस्थलका लागि अधिग्रहण गर्नुपर्ने प्रस्तावित ५८४.६४१ रोपनी जग्गा र ६३ घरटहरामध्ये आवश्यकताका आधारमा प्रथम चरणमा १४७ दशमलव ६९ रोपनी जग्गा र १६ घरटहरा अधिग्रहण गर्न नेपाल नागरिक उड्डयन प्राधिकरणलाई निर्देशन दिइएको छ ।

कलङ्की–थानकोट–नागढुङ्गा सुरुङमार्ग निर्माण आयोजनाको सडकमा सडकको केन्द्ररेखादेखि आठ÷आठ मिटर बाहिरका सुरुङमार्गको फ्लाइओभरका लागि आवश्यक पर्ने ११ दशमलव आठ रोपनी जग्गा र ४७ घरटहरा अधिग्रहण गर्न स्वीकृति मन्त्रिपरिषद् बैठकले दिएको छ । पोखरा क्षेत्रीय अन्तरराष्ट्रिय विमानस्थलका लागि अधिग्रहण गर्नुपर्ने प्रस्तावित ५८४.६४१ रोपनी जग्गा र ६३ घरटहरामध्ये आवश्यकताका आधारमा प्रथम चरणमा १४७ दशमलव ६९ रोपनी जग्गा र १६ घरटहरा अधिग्रहण गर्न नेपाल नागरिक उड्डयन प्राधिकरणलाई निर्देशन दिइएको छ ।

अन्तरराष्ट्रिय वित्त निगमलाई अर्थ मन्त्रालयले तोकेको शर्तमा २० मिलियन अमेरिकी डलर (करीब रु दुई अर्ब) बराबरको जारी गर्न स्वीकृति दिएको छ । ऋण असुली पुनरावेदन न्यायाधीकरणमा पुनरावेदन न्यायाधीकरणको पुनरावेदन सुन्ने अधिकारी पदमा स्याङ्जा आँधीखोलाका सत्यराज गुरुङलाई नियुक्त गरिएको सञ्चारमन्त्रीले जानकारी दिनुभयो ।

सरकारले जर्मनीको ह्यानोभरमा हुने चारदिने डोमोटेक्स मेलामा नेपाली गलैँचाको सहभागिताका लागि रु ४० लाख अनुदान नेपाल गलैँचा उत्पादक तथा निकासीकर्ता सङ्घलाई उपलब्ध गराउने निर्णय गरेको छ । बुढीगण्डकी जलविद्युत् आयोजनाको वातावरण, मुआब्जा वितरण, पुनर्बास तथा पुनःस्थापना एकाइको कार्यविधि २०७६ कात्तिक ११ देखि लागू हुने गरी एक वर्ष थप गरिएको छ ।

तीन चरणमा दरबन्दी पूर्ति गर्ने गरी ४७ जिल्ला न्यायायाधीशको दरबन्दी थप गर्ने निर्णय गरिएको छ । सोअनुसार आर्थिक वर्ष २०७७÷७८ मा १५ र आव २०७८÷७९ मा १५ जिल्ला न्यायाधीशको दरबन्दी थपिने छ ।

दक्षिण कोरियाली उम ओङगिल र बेलायती कोलिन फिलिप स्मिथ (पुतली बाजे) लाई सम्मानार्थ नेपाली नागरिकता प्रदान गर्ने निर्णय गरिएको छ । लोचनकुमारी हरलालक, जयप्रकाश अग्रवाल र रञ्जितकुमार अग्रवालको नेपाली नागरिकताको प्रमाणपत्र रद्द गरी निजहरुलाई नेपाली नागरिकबाट हटाउने निर्णय गरिएको छ ।

बैठकले रोजगार संयोजकको पदपूर्ति र सेवा सुविधासम्बन्धी मापदण्ड, २०७६ र सहुलियतपूर्ण कर्जाका लागि ब्याज अनुदानसम्बन्धी एकीकृत (दोस्रो संशोधन) कार्यविधि, २०७६ स्वीकृत गरेको छ । त्यस्तै सङ्कटापन्न वन्यजन्तु तथा वनस्पतिको अन्तरराष्ट्रिय व्यापार नियन्त्रण नियमावली, २०७६ स्वीकृत भएको छ । नेपाल भ्रमण वर्ष, २०२० कार्यक्रम सञ्चालन (पहिलो संशोधन कार्यविधि, २०७६ स्वीकृत गरिएको छ ।

गुल्मी दुबीचौरमा भएको दुर्घटनामा परी मुत्यु भएका सोही जिल्ला रेसुङ्गा नगरपालिका–१२ निवासी भूपाल बस्नेत, कृष्णबहादुर थापा र मेघबहादुर थापाका नजीकका हकदारलाई प्रतिव्यक्ति रुपाँच लाखका दरले क्षतिपूूर्ति दिने निर्णय भएको छ ।

प्राविधिक सहायक रथी रामधर सिंहलाई उपरथी र प्राविधिक महासेनानी कमलविक्रम शाहलाई प्राविधिक सहायक रथी दर्जामा पदोन्नति गरिएको छ । नेपाली सेनामा कार्यरत ६१ जना रथीबृन्द तथा अधिकृतको सरुवा गरिएको छ । गृह मन्त्रालय र अन्तर्गतका निकायसँगको सङ्गठन संरचना र दरबन्दी तेरिज स्वीकृत गर्नेसम्बन्धी प्रस्ताव स्वीकृत गरिएको सञ्चार मन्त्रालयद्वारा जारी विज्ञप्तिमा उल्लेख छ ।

प्रकाशित मिति November 22, 2019

हाम्रो समाचारमा कुनै गुनासो, सल्लाह वा प्रतिकृया भए [email protected] मा इमेल पठाउन सक्नुहुनेछ ।