डान्सर आश्माको छल्कियो जवानी, हेर्नुहोस् १५ तस्बिर

नेपालको चर्चित डान्स ग्रुप ‘द कार्टुन क्रुज’की सदस्य आश्मा विश्वकर्माका फ्यान फलोइङ गज्जबका छन् । पछिल्लो समय उनलाई वेब सिरिजमार्फत पनि दर्शकमाझ आइन् । डान्सकै कारण विदेशमा समेत चर्चा कमाएकी आश्मालाई सामाजिक सञ्जालमा लाखौंले फलो गरेका छन् ।

अहिलेसम्म कुनै फिल्ममा पनि अभिनय नगरेकी आश्मा अभिनय क्षेत्रमा कदम राख्न चाहन्छिन् । तर उनका हातमा राम्रो फिल्मको स्क्रिप्ट परिरहेको छैन ।

द कार्टुन क्रुजले उनलाई थप चर्चामा पु–याएको छ । युट्युबमा उनी सर्वाधिक खोजिने डान्सरमा पर्छिन् । उनलाई इन्स्टाग्राममा ३ लाखभन्दा बढीले फलो गरेका छन् ।

डान्सकै कारण नायिकाको जस्तै क्रेज बनाएक उनका केही तस्वीरः

जोर्डनसँगको विगत बिर्साउन नेपाललाई राम्रो अवसर

सन्तोषराज पाण्डे

कतारमा आयोजना हुने फिफा विश्वकप २०२२ तथा चीनमा हुने एएफसी एसियन कप २०२३ अन्तरगत दोस्रो चरणको छनोट खेलमा नेपाली राष्ट्रिय फुटबल टोलीले आज (मंगलबार) जोर्डनको सामना गर्दैछ ।

आफुभन्दा ६३ स्थानमाथिको जोर्डनसँग उसैको मैदानमा नेपाली टोलीले नेपाली समयअनुसार राति पौने १० बजे खेल्नेछ । विश्वकप छनोटको समूह ‘बि’ मा रहेको नेपाल तेस्रो पल्ट जोर्डनसँग प्रतिस्पर्धा गर्दैछ त्यो पनि विश्वकप छनोटमा ।

यसअघि नेपालले जोर्डनसँग विश्पकप २०१४ अन्तर्गतको छनोटको पहिलो चरणमा प्रतिस्पर्धा गरेको थियो ।नेपालले जोर्डनलाई नयाँ प्रतिद्वन्दीका रुपमा जुलाई २३ २०११ मा पहिलो पटक भेटेको थियो ।

‘अवे’ खेल अन्तर्गतको उक्त भेटमा नेपाल ९–० गोल अन्तरले पराजित भयो । नेपाली टोलीका लागि त्यो बिर्सन लायक नतिजा रह्यो । त्यसको ठीक ५ दिनपछि जुलाई २८ मा नेपालले ‘होम’ खेल अन्तर्गत दशरथ रंगशालामा पुनः जोर्डनसँग खेल्यो । त्यो भेटमा नेपालले नतिजा १–१ गोल बराबरीमा रोक्यो ।

यो नतिजा नेपाली फुटबल प्रशंसकका लागि अनपेक्षित नै थियो । किनकी, अवे खेलमा ९ गोल खाएको टोलीले घरेलु मैदानमा त्यस्तो राम्रो गर्ला भन्ने कमैले मात्रै सोचेका थिए । तर, त्यस्तै, भयो नेपालले जोर्डनसँग १ अंक खोस्यो ।

फिफा बरियतामा जोर्डन ९८ औं स्थानमा छ भने नेपाल १ सय ६१ औं स्थानमा छ । आफुभन्दा बलियो टोलीसँग उसैको मैदानमा खेल्न लागेको नेपाल यसपटक जोर्डनसँग आफ्नो विगत बिर्साउने लक्ष्यमा छ ।

राष्ट्रिय फुटबल टोलीका पूर्व कप्तान अनिल गुरुङले नेपालभन्दा जोर्डन धेरै बलियो टोली रहेको बताए । उनले नेपालले यसअघि खेल्दा पनि जोर्डन बलियो र अहिले पनि नेपालभन्दा बलियो अवस्थामै रहेको बताएका छन् ।

उनले नेपालले अस्ट्रेलियाविरुद्धको खेलकै जसरी रणनीति बनाउँदा मैदानमा राम्रो गर्न सके नतिजा राम्रो आउन सक्ने बताएका छन् । पूर्व कप्तान गुरुङले यसअघि जोर्डनसँग भएका दुवै खेलमा पुरा समय मैदानमा बिताएका थिए ।

‘नेपाली टोली भन्दा जोर्डन बलियो छ । हामीले रक्षात्मक खेल्दै अस्ट्रेलियासँगकै रणनीति अपनाउँनु पर्छ जस्तो लाग्छ,’ पूर्व कप्तान गुरुङले भने, ‘अहिलेमात्रै होइन जोर्डन हामीभन्दा पहिले देखि नै बलियो टिम हो । हामीले राम्रो खेल्दा घरेलु मैदानमा बराबरी गर्न सकेका थियौं ।’

विपक्षी बलियो भएपनि त्यसलाई रोक्न साना टोलीहरुले पनि आफ्नो रणनीतिमा खेल्न सके नतिजा उल्टिन सक्ने पूर्व कप्तानको बुझाइ छ ।

‘जोर्डन बलियो टोली हो । तर, जोर्डनसँग खेल्न हामीले उनीहरुसँग ‘डिस्ट्रबीङ’ खेल खेल्नुपर्छ, पुरा रक्षात्मक खेल खेल्दै अवसर पाए अट्याकिङमा गोल गर्ने लक्ष्य बनाउनु पर्छ,’ गुरुङले भने,‘अस्ट्रेलियासँग कम गोल खाँदा टोलीको मनोवल पनि केही बढेको छ । त्यसलाई पनि भरपुर उपयोग गर्नु पर्छ।’

गुरुङले खेलाडीको मनोवल बढाउन प्रशिक्षकले पनि महत्वपूर्ण भूमिका खेल्ने भएकाले मुख्य प्रशिक्षक कालिनको भूमिका पनि महत्वपूर्ण हुने बताए ।

टोलीमा प्रशिक्षकको भूमिका कतिसम्म महत्वपूर्ण हुन्छ भन्ने कुराको खुलासा गर्दै पूर्व कप्तान गुरुङले भने, ‘हामीले यसअघि जोर्डनसँगको दोस्रो ‘होम’ खेलको पूर्व सन्ध्यामा प्रि म्याच कन्फ्रेन्सको आयोजना गरिएको थियो ।

तत्कालिन मुख्य प्रशिक्षक थिए, ग्राहम रोवट्र्स । उनलाई सञ्चारकर्मीहरुले सोधे, ‘अवे’ खेलमा ९ गोलले पराजित भइयो अव ‘होम’ ग्राउण्डमा हुने खेलमा कस्तो नतिजाको अपेक्षा गर्नु भएको छ ? जवाफमा प्रशिक्षक रोवट्सले भने,‘ हामी १०–० गोलले जित्छौं ।’

प्रशिक्षक रोवर्टको उक्त अभिव्यक्तिमा सबै हाँसे पनि भोलिपल्ट नेपाली टोलीले १–१ बराबरी खेल्न सक्यो । त्यो नतिजा प्रशिक्षक रोवट्सकै ‘मोटिभेसन’ को नतिजा भएको पूर्व कप्तान गुरुङ बताउँछन् । त्यसैअनुरुप अहिले पनि नेपाली टोलीका प्रशिक्षकले खेलाडीलाई त्यसैगरि ‘मोटिभेट’ गर्नु सक्नु पर्ने उनको भनाई छ ।

२०११ मा टोलीको कप्तानी गरेका थिए डिफेन्डर सागर थापाले । उक्त टोलीमा रहेका ३ जना खेलाडी अहिले पनि जोर्डनविरुद्धको खेलका लागि टोलीमा छन् ।

गोलकिपर किरण कुमार चेमजोङ, मिडफिल्डर सुजल श्रेष्ठ र रोहित चन्द टोलीमा रहँदा अधिकाशं खेलाडी नयाँ छन् । त्यतिबेला खेलाडीको भूमिकामा मात्रै रहेका किरण अहिले टोलीको नेतृत्सहित जोर्डन पुगेका छन् भने सुजल र रोहित चन्द पनि नेपाली टोलीको मेरुदण्ड नै हुन् ।

यी खेलाडीहरुबाट नेपाली टोलीले सकारात्मक नतिजाको अपेक्षा गरेका छन् । टोलीका नियमित कप्तान विराज महर्जन र उपकप्तान भरत खवासले पनि २०११ मा जार्डनविरुद्ध खेलेका थिए । तर, यी दुई खेलाडी अहिलेको टोलीमा छैनन् ।

जोर्डनविरुद्ध काठमाडौंमा भएको खेलमा फरवार्ड भरत खवासले गोल गरेका थिए । उनले ५३ औं मिनेटमा जोर्डनले गोल गर्दा १–० गोलले पछि परेको नेपालका लागि ८० औं मिनेटमा गोल फर्काउँदै खेल १–१ बराबरी गरेका थिए । उक्त खेलमा बर्षा भएका कारण पनि नेपाललाई केही सहज भएको अनुभव पूर्व कप्तानको छ ।

नेपालले विश्वकप छनोटको शुरुवात कमजोर गरेपनि पछिल्लो समय सुधारीएको प्रदर्शन पस्किएको छ । जसलाई छनोटको अहिलेसम्मको नतिजाले पनि पुष्टि गर्छ ।

पहिलो खेलमा कुवेतसँग ७–० गोल अन्तरले पराजित भएको थियो भने चाइनिज ताइपेइलाई २–० गाल अन्तरले पराजित गरेको थियो त्यस्तै, अस्ट्रेलियासँग ५–० गोल अन्तरले पराजित भएको थियो ।

नेपाली टोलीका लागि विश्वकप छनोटको ‘अवे’ खेल अन्तरगतको अन्तिम खेल पनि जोर्डनसँगको नै हो । यसपछि नेपालले आफ्नो समूहमा रहेका कुवेत, चाइनीज ताइपेइ, अस्ट्रेलिया र जोर्डनसँग काठमाडौंमा नै खेल्नेछ ।

प्रकाशित मिति October 15, 2019

हाम्रो समाचारमा कुनै गुनासो, सल्लाह वा प्रतिकृया भए [email protected] मा इमेल पठाउन सक्नुहुनेछ ।