अमिताभ बच्चन: १ सुपरस्टार यस्ता पनि, जन्मदिनमा दिए भावुक सन्देश

मुम्बई ११ अक्टुबर– बलिउडका महानायक अमिताभ बच्चनको आज ११ अक्टोबरमा जन्मदिन हो उनी उमेरले ७७ वर्ष पुगिसके तर उनमा जोश जाँगर भने अझै पनि उत्तिकै छ । कुनै समय उनको फिल्म हेर्न दर्शकको लाइन लाग्ने गर्थ्यो यतिसम्म कि, दर्शकले पहिलो शो को टिकट नपाउँदा दर्शकले अर्को शोको टिकटका लागि लाइन लाग्ने गर्थे ।

उनको फिल्म हलमा रिलिज हुँदा महिनौँसम्म टिकट पाइँदैनथ्यो। उनले एक वर्षमा ४ वटासम्म बल्कबस्टर फिल्म दिन्थे । हरेक फिल्म रिलिज हुँदा नयाँ रेकर्ड राख्ने अमिताभका अहिले पनि लाखौँलाख प्रशंसक छन्। उनले जन्मदिनको अवसर पारेर एक भावुक नोट सन्देश दिएका छन्।

यस्तो छ बलिउडका महानायक अमिताभ बच्चनको सन्देश:

यसमा सेलिब्रेट गर्नुपर्ने खासै कारण छैन । मेरा लागि यो दिन पनि अरु दिनजस्तै हो । म अहिले पनि काम गरिरहेको छु । मेरो शरीरले मेरो उत्साहका साथ तालमेल बनाएर राखिरहेको छ । म यसका लागि आभारी छु । बच्चाबेलामा मेरो जन्मदिनमा बुबाले सधै कविता लेखेर गाएर सुनाउनुहुन्थ्यो । परिवारमा यो एक रीत थियो । सन् १९८४ मा भएको भयानक दुर्घटनापछि यसले एक अलग रुपले लियो ।

बुबा जीले जन्मदिनमा कविता सुनाउनुभयो । एक तरिकाले त्यो मेरा लागि नयाँ जीवन थियो । कविता पढ्दै गर्दा बुबा रुन लाग्नुभएको थियो । मैले पहिलोपटक बुबालाई त्यस्तो अवस्थामा देखेँ । अब समयसँगै धेरै कुरा बदलिएको छ । बाबुजीको कविता र मेरो जन्मदिनमा आमाको खुशी याद आउँछ । केक काट्नमा अब मलाई रुचि छैन । अब त्यसको स्थान अब फलफुलको थालले लिएको छ ।

मेरा कैयन् अधूरा सपना छन् । म पियानो सिक्न चाहन्छु । कैयन् भाषा सिक्न चाहन्छु । साँच्ची, म गुरुदत्तसँग काम गर्न पाएको भए । म आफ्ना कुनै फिल्मको पनि आफ्ना लागि रिमेक बनाउन चाहन्न । जे गर्न थियो, त्यो गरियो । अब किन अघि नहेर्ने?

प्रकाशित मिति October 11, 2019

हाम्रो समाचारमा कुनै गुनासो, सल्लाह वा प्रतिकृया भए [email protected] मा इमेल पठाउन सक्नुहुनेछ ।